السياره وتجهيزاتها اللازمه للخوض في البراري والنفود

اتمنى يكون الموضوع قيم ومفيد للجميع

السياره وتجهيزاتها اللازمه للخوض في البراري والنفود

*****************************************************************
1-لاتطلع للبر او مكشات بعيد الى ومعك شخص عنده خبره لاباس فيها بالسيارات..

2-حاول تجهز سيارتك بواقي امام(الي هو دعاميه)لحماية اسفل مقدمة السياره من الاحجار والاتربه الي تظر فالمكينه...

3-ارفع السياره ارتفاع معقول عن مستواها الطبيعي وخاصه الوجهيه
لانها اكثر عرضه لامتصاص الصدمات

4-لاتطلع لبر بعيد باقل من سيارتين واحد هالسياراتين تكون سياره4×4

5-للطعوس والنفود
جهز لك 1-عيار(مقاس لضغط الهواء)1-دينمو هواء او منفاخ يدوي
3-مسحاة وكريك للبحك تحت الكفرات
4-ونش اذا عندك قدره عالكاش او واير(عدد2 احتياطا) ويفضل يكون حبل متين جدا
لان الواير يمكن ينمزع ويخبط موترك وتتحسف على طلعتك

5-جب معك كم علبة زيت للمكينه وللدركسون وكم علبه لموية الرديتر وصندوق عده لاباس فيه من التجهيزات الاعتياديه

6-ركب دفلوك خاصه في الدفرنس الخلف للسياره
(الدفلوك:قطعه تركبها فاحد الدفرنسين ولازم يكون عكوس يعني ماتركب في اللاند كروزر قدام تخلي الكفرات الثنين يدورن مع بعض وهذا يوزع القوه ويطلع السياره من التغريز باذن الله)

7-شيك دائما على كل شي يتغير فالسياره دوريا
مثل
الزيت
خراطيش
موية الرديتر
زيت الدركسون
الكفرات وهذي اهم شي
ولاتنسى السبير تراه مهم جدا
السيور(سير المروحه والمكيف وغيرها..)


8-بعض السيارات يكون فيها محل لبطاريه ثانيه ركبها الله لايهينك
للاستخدامات الثانيه او احتياط ولاهب شرط تركب اطلق نوع ركب الي معك حقه

9-تانكي مويه وتانكي بنزيم احتياطي وفيه محلات معروفه تجهز لك تانكي مويه او بنزيم شغل وكاله ونضيف وعلى الشرط

10-كنود(النداء) او اللاسلكي وانتبه تركب الوصلتين وانت في بر ترا اذا انكسر لازم تشتري انتل جديد
واذا هو وصله وحده يكفي

11-جارمن وخرايط
الي هو الماجلان او الجي بي اس(كلها مسميات لشي واحد)

12-ثلاجه كهربائيه تشتغل عالولاعه مثل شاحن الجوال
وعلى معتقد متوفره في محلاتتجهيز الرحلات وتختلف السعات
لاتاخذ كبير وتبلش به لا انت الي حملت عفشك ولانت الي مليت الثلاجه
خذ وحده حليوه
اتوقع 20 لتر كفايه

هذا والله اعلم
واتمنى من الجميع الي عنده زيادة معلومات مفيده يكتبها الله لايهينه...

منقول للفائدة...

أخوكم ((عاشق الهلي))

مشكووور

مشكوررررررررررررررررررررررررررررررررررررررررررررررررررررر..
على إهتمامك...